O secretario de goberno ostenta, como superior xerárquico, a dirección dos letrados da Administración de Xustiza que prestan os seus servizos no Tribunal Supremo, exercendo para iso as competencias que lle recoñece a LOPX, así como todas aquelas que regulamentariamente se establezan (artigo 464.2 LOPX).

O secretario de goberno, ademais, exerce as funcións de secretario da Sala de Goberno e das denominadas salas especiais (Tribunal de Conflitos de Xurisdición, Sala de Conflitos de Xurisdición, Sala de Conflitos de Competencia e Sala do artigo 61 LOPX).

O Secretario de Goberno actúa con voz pero sen voto na Sala de Goberno, dá conta dos asuntos que son levados a sala, está presente na súa discusión e votación, redacta as actas con anotación dos asistentes e incorporación de todos os acordos adoptados, custodia o libro de actas e expide, no seu caso, as certificacións correspondentes.

Ademais, en todos aqueles asuntos que afecten as oficinas xudiciais ou a letrados da Administración de Xustiza que del dependan e esixan dalgún tipo de actuación, pode emitir informes, ben por propia iniciativa ou da propia sala.  Con respecto a tales asuntos, o secretario de goberno terá voto no acordo que poida chegar a adoptarse (artigo 152.1.12.º LOPX).

A Secretaria de Goberno tramita os expedientes de persoal e gobernativos.